سرقة فيلا نانسي تتحول لحملة عنصرية ضد السوريين.. وشكران مرتجى تعلق

الثلاثاء, 7 كانون الثاني 2020 الساعة 18:44 | ثقافة وفن, أخبار الفنانيين

سرقة فيلا نانسي تتحول لحملة عنصرية ضد السوريين.. وشكران مرتجى تعلق

جهينة نيوز:

تفاعلت الفنانة السورية شكران مرتجى مع تداعيات قضية سرقة فيلا الفنانة اللبنانية نانسي عجرم ومقتل السارق على يد زوجها الذي تم الكشف عن هويته السورية وتلاها تصريحات عديدة من بعض الفنانين والشخصيات المشهورة في لبنان وبعض رواد التواصل الاجتماعي عن التخلص من الوجود السوري في لبنان بطريقة تدعو للاشمئزاز وتنم عن عنصرية كبيرة تجاه كافة السورية وليس موضوع تفاعل مع قضية سرقة.

وقالت شكران في منشور عبر صفحتها على فيسبوك:

"‫بدي أحكي ما حدا لانه رح يحكي .. أنا ضد الجريمة أكيد ضد التعدي عالآخرين وبتمنى السلامة للنجمة نانسي عجرم وعائلتها الكريمة وانا بحب لبنان ورفقاتي اغلبهم لبنانيه غاليين ودايما فاتحين قلوبهم مو بس بيوتهم وبحبهم كلهن كلهن".

وأوضحت مرتجى: "ولكن ........مو كل شغله بينسبوا كل السوريين متل ماكان قبلهم الفلسطينيه عزيزي وعزيزتي اللي عم تشتمي بأبشع الكلمات وخليهم ينقلعوا من عنا والله رح ينقلعوا والله هانت بس بتعرف وبتعرفي إنه في ملايين الدولارات للسوريين بالبنوك اللبنانية العزيزة محجوز عليهم انه الدولار بسوريا صار بشهرين قد ماصار بعشر سنين حرب مابيكفي عنصرية عند البعض مافي حدا من جد جد جدك سوري والعكس.. لك كل شي بيصير بسوريا بينعكس ع لبنان والعكس كمان مو كل ماصار شي السوري بلبنان بده يتخبى مو حرام بيكون عنده علاج او سفر او شغل بيخاف يطلع بسيارته لتتكسر ايمتى بدنا نطفي النار ما نشعلها ايمتى بدنا نرحم بعض ليرحمنا الله ايمتى بدنا نبطل تشفي بوجع وجثث بعض انا مع العدالة ومع الحق بس مو مع التعميم حاج"

وتابعت مرتجى في منشورها: " كم سنه عم نسمع ونقرا مسبات واهانات وتحقير ماحاج والله حاج والله حاج ‬في بسوريا فنانين ورسامين ونجوم ومصممي أزياء وكتاب وشعراء لك نحنا بلد زنوبيا ونزار قباني وصباح فخري ومياده حناوي وأدونيس وفاتح المدرس ودريد لحام ونهاد قلعي ومالفا سهيل عرفه عبد الفتاح سكر منى واصف غادة السمان ألفت إدلبي كوليت خوري ووووووو..".

‫ونوهت قائلة: "وأكيد كمان أنا ماعمم عم أحكي علي عم يحكوا.. واذا غلطانه سامحوني بس تعبت شوف مسبات اذا غلي كيلو الكوسا بينسب السوري وأكيد مابقبل بها البوست وغيره ينشتم حدا من لبنان او اي بلد عربي بس تعوا نحنا الفنانين المثقفين الواعيين المواقع الفنية الصحافه مو مشان سكوب نحط عنوان بيجرح ملايين لك مابعرف اللي بيحب الله حاج نسب بعض".

وختمت شكران: "وبرجع بقول ضد السرقة والقتل والاغتصاب وكل انواع الجريمة واللي عم يعملها بيمثل حاله مو شعب وكل السوريين مقهورين وبيزعلوا من هيك شي وانا مالي علاقة في محاكم وأمن وجهات مختصه مالي عم برئ حدا

همنا واحد وجعنا واحد أدين اللص والقاتل ولا أدين جنسيته".

وكانت هيفا وهبي غردت لمواطنتها عجرم موجهة كلاماً مسيئاً في إشارة للسوريين في لبنان قائلة : "الف حمدلله على سلامتك حبيبتي .. انتي وعيلتك وزوجك البطل يحميكم الرب من كل شر ويا ريت كل هالاشكال المجرمة يفلوا بقى من لبنان !"

فيما غرد الفنان اللبناني جاد شويري رافضاً العنصرية تجاه السوريين حيث قال: "حلّوا عن السوريين بقى! هالعنصرية والقرف اللي عم ينكبّوا عهالناس ظلم... في المنيح والوحيش عند كل البشر بكل مطرح عهالكوكب! الجنسية السورية مش تهمة.. الذ الناس! مبسوطين هن يتهجروا ويتبهدلوا؟؟.

المصدر: جهينة- متابعة


أخبار ذات صلة


اقرأ المزيد...
أضف تعليق



ولأخذ العلم هذه المشاركات تعبر عن آراء أصحابها وليس عن رأي إدارة الموقع
  1. 1 عدنان احسان- امريكا
    7/1/2020
    19:57
    كلشي بكوم - وتصريح ام فصوص هيفاء وهبي بكوم
    نسيت هيفاء وهبـــــــــي - ان انطلاقتها للاعلان كانت بسوريه - كمروجه لشركه بردي/ تفووو عليكي يا شلكه / مثل ما بيقول اللبنانيه .. .. ام الكاوبوي جوز نانسي ... نقول له ...في حدى بيطلق النار - ١٦ / طلفه لولم يكن يريد اخفاء جريمه اخرى.... من حق اهل الفقيد الثــــــآر ...ب ١٦ طلقه ...والافضل يسكر عيادته ...
  2. 2 صديقتي
    8/1/2020
    07:00
    وحبيبتي
    شكران مرتجى.... انتي انسانه رائعه وحساسه ومرضية ومحبوبه بعيلتك وبين رفقاتك... شهادتي فيكي يمكن تكون مجروحه بس والله انك انسانه رائعه بكل معنى الكلمه وشجاعه ومابتخافي الا الله... وفنانه رهيبه.. ا أما عن جاد شويري صار لازم نقول شكراً بهالزمان ل اللي بيقول كلمة حق... ومالي نفس احكي عن عجوز المومسات الجميله... لعت نفسي منها ومن اي(( )فنانه)) بحسب اعتقادهن وبحسب الفن اللي عم يقترفوه.. وقرفت من تدخلهن بالسياسه والحرب والمسائل الكونيه... انو ليش كل واحده ماتحكي وتبدع بمجالا؟؟؟ هيفا رخيصه
  3. 3 محمود
    8/1/2020
    13:23
    سوريا منتصرة
    له له يا شكران...ليش حضراتكم الفنانين ما تقاطعوا لبنان رايحة جاية من بيروت ... استحوا!.. بلد اعلن قيامته مجرم محتل وقال لهم يا أحفاد الفينيئيين ..شو منتظرة حتى زوال الكيان الكرتوني بيرجع كل شيء لمحله... بهمة امثال الشرتوني .. سلام على سوريا وعلى لبنان أعز جبالها هكذا قال جبرانها
  4. 4 محمود
    10/1/2020
    13:59
    اعلق ثانية
    اعلق ثانية على وجع السيدة شكران : لا تكوني مفكرة انه هيفا خريجة معاهد ومدارس فنون ؟؟ لا ننتظر من حثالات المجموعات البشرية عند الجيران ان يحفظوا الخبز والملح... أصلا انثى بتخون بعلها بفراشه ليست إلا ساقطة لا يرجى منها خير..تبرر فعلتها بانها كانت صغيرة السن...أصلا هي مين؟ شو قدمت للناس غير المياعة..لا علم لا ثقافة لاتربية لا أخلاق..تفوه

تصنيفات الأخبار الرئيسية

  1. سياسة
  2. شؤون محلية
  3. مواقف واراء
  4. رياضة
  5. ثقافة وفن
  6. اقتصاد
  7. مجتمع
  8. منوعات
  9. تقارير خاصة
  10. كواليس
  11. اخبار الصحف
  12. منبر جهينة
  13. تكنولوجيا